Koman y lé azordi ???

Konm zot y vwa, le dé out'  la Boudèz la bat karé a Bordo. Dan lo minm tan, inn' lexpozisyon sir la Rényon ek dégistasyon de prodwi lété sir lo band ké. In ti lafèr k'mwin la pa inmé, bokou d'moun la su sa ek lo bous a orèy. Sir lo journal, in ti lartik do ryin, a la radio, dé ségond' é a la télé, in ryin osi. Anplisdosa, lété riv' drwat de la Garon', alor k'tou l'moun lé riv gos'. Pa gayar sa...

Comme vous le voyez, le deux août la Boudeuse est venue faire un tour à Bordeaux. Dans le même temps, une exposition sur la Réunion avec des dégustations de produits sur les quais. Une chose qui m'a déplue, beaucoup de personnes ont su ça avec le bouche-à-oreilles. Sur le journal, un petit article de rein du tout, à la radio, deux secondes et à la télévision, presque rien. En plus de ça, c'était rive droite de la Garonne, alors que tout le monde se situe rive gauche. Ce n'est pas bien ça...

Anfin, pou sak la ginll venir terla, nou té ginll vizit' lo bato...

Enfin, pour ceux qui ont réussi à venir, on pouvait visiter le bateau...

Ala lo zafis'...

Voici l'affiche...

Pou sak y inm lo rom aranjé, ala tout' lo band' zingrédian...

Pour ceux qui aiment le rhum arrangé, voilà tous les ingrédients...

Andsoula, dégistasyon d'zambrocal, konfitir, mièl péi, anana Viktoria... Lo boug la la don' amwin inn'. Oté, lété dooooooooooss. In vré bonbon, tèlman lété sikré...

Dessous, dégustation d'ambrocales, confiture, miel pays, ananas Victoria... Cet homme là m'en a donné un. C'était booooooooon. Un vrai bonbon, tellement c'était sucré...

Terla, lartizana péi...

Ici l'artisanat pays...

Inn pilon pou kraz lo piman, etc, etc....

Un pilon, pour écraser le piment, etc, etc...

Band' lekspozan...

Les exposants...

Hum gayar... oté mi koz do sak na dan'l'po... mé lé vré k'tantin' la osi !!!!

Hum, super... hé ho, je vous parle de ce qu'il y a dans les pots... mais c'est vrai que la demoiselle aussi !!!

A dizwitèr trant, navé in konser de....

A 18h30 il y a eu un concert de...

Aèl lé a drwat la...

Elle est à droite là...

Alé, fé roulé... Leilla ek son roulèr !!!

Allez, fait rouler... Leilla avec son rouleur !!! 

Lo batèr...

Le batteur...

Ek lo kayamb'...

Avec le caïamb...

Ek lo triang'...

Avec le triangle...

Lo group o komplé...

Le groupe au complet...

Alé, fé pété lo séga é lo maloya...

Allez, jouez le séga (danse rapide) et le maloya (danse plus lente)

Konm zot y vwa la cho lété la, lo ponch la koulé, lambians lété la osi, na k'lo publik ki manké...

Comme vous le voyez, la chaleur était là, le punch a coulé, l'ambiance était là aussi, il n'y a que le public qui manquait...

Ni artrouv',

Moukatali

Koman y lé zordi ??

Ala la swit dé lartik sir Hanoï é Toulouse.

Voilà la suite de l'article sur Hanoï et Toulouse.

Terla in' santèr. Lu la sant' "Tomb la nèj"... an fransé é an vietnamyin. Té gayar minm.

Ici, un chanteur. Il a chanté "Tombe la neige"... en français et en vietnamien. C'était super.

Andsoula, in' marsand' d'légim

En dessous, une marchande de légumes.

Andsoula, in' défilé d'ao dai (pronons Ao zay), vètman féminin tradisyonèl

En-dessous, un défilé d'ao dai (prononcez Ao zail), vêtement féminin traditionnel.

Isi, Tu Thuc y rankont inn' fé. Le cheo, téat popilèr, lé inn' lopéra folklorik tradisyonèl du nor du vietnam. Listwar d'la piès la lé in boug, Tu Thuc ki, an vizitan in' pagod, sov in ti fé. Lu lé tantèlman dégouté d'son mandarina k'li kit son fonksyon é fé lo tour di mond'. La fé y dsand' pou invit ali o rwayom dé fé. La piès la y rakont' zot promièr rankont é la nésans' d'zot lamour.

Ici, Tu Thuc rencontre une fée. Le Cheo, théâtre populaire, est un opéra folklorique traditionnel du nord du Vietnam. L'histoire de la pièce est celle d'un homme, Tu Thuc, qui, en visitant une pagode, sauve une fée. Il est tellement dégoûté de son madarinat qu'il quitte sa fonction et fait le tour du monde. La fée descend pour l'inviter au royaune des fées. La pièce raconte leur première rencontre et la naissance de leur amour.

Ni artrouv' pou la swit,

Moukatali

Koman y lé zot tout’

Yèr o swar mwin la té a Mérignac, in tit’ vil ki touch Bordeaux, terminus lijn A du tramwé. Navé inn’ marsé di Moun tout’la sominn’. Solman samdi swar lété spésial Rényon. De vintéinèr a minwi é domi. Lété…. lété gayar otééééééé… Navé dé group, in de maloya, Rougay Maloya, k’lété de Toulouse, lot, group de séga, Vacoas, k’lété de Bordeaux. (Lo vakoa, pandanus utilis, lé in larbist ki permé d’fabrik soubik ek son fèy –ki anservé pou kouvrir osi lo band’ payot’. Zot frwi –pinpin- lé dékoratif mé son zandèt lé répité (miam miam). Lo band’ fibr’ dé rasin’ y anservé pou konfeksyon’ la kord. Lo vakoa lé itilizé konm brizvan é y anserv osi d’ titèr pou band’ vaniyé).

Rougay Maloya la zoué dan lo piblik pou fé dékouv’ lo maloya. Zot y déplasé azot tanzantan, konmsa si domoun té y v’né pa, zot té y apros domoun.

Vacoas té y zoué sir sinn’. Zot la komans ek in séga  mizikal, answit zot la mèt parol toul le lon. Terla navé la cho, osi byin dan lèr k’d’lambians.

Byin sir navé d’zèn kté y koné pa mizik la, osi zot té y dansé konm dan in rèvparti… okin ritm mi di azot… imazin in pé… anplis navé dé k’té y dans’ ek zot vèr a la min konmsi lété inn’ fanm, pffffffff. Mé dan lansanb, la domoun la kraz séga maloya téééé !!!!

Pou sak y koné pa, a la Rényon na dé stil prinsipal do mizik :

-         lo séga : dans’ asé rapide èk roulman dé anch ou lé dé partnèr  y suiv azot dan lo ritm d’band zinstriman de mizik.

-         lo maloya : lé in’ dans’ instrimantal, vokal é dansé, pli lant’ k’le séga. Dan’ tan lontan, band zesklav té y dans’ maloya kan zot lavé fini zot travo pénib dan lé chan. La dans’ la la été lontan interdit’, lété kaziman tabou. Nak dopi lo band zané katrévin k’na y in for rétour. E fransman lé sipèr gadiamb.

Aprésa, lo régé la rant dan’l’ron. Na u d’mélanz k’la doné ségé é malogé. Gayar osi, mé sak mi préfèr lé la dans’ lorizin, sak nout band’ zansèt la kréé.

Lo group Vacoas

Guy, lo basist'

Jean-Michel, lo gitarist solo

Joachim o sinté

Philippe a la batri

In dernié ti lafèr, zot tout' lé vréman sipèr simpa. Amwin, lo zoréol, mi anvoy pli spésialman  band’ romersiman a Philippe. Lanbians té sipér gadiamb’… Merci ankor azot pou lakèy la é la swaré la. La mèt la zoi dan mon lo kèr, fransman !!!

Une dernière chose, tout le monde était vraiment sympa. Moi, le zoréol, j’envoie plus spécialement des remerciements à Philippe. L’ambiance était super… Merci à eux pour cet accueil et cette agréable soirée. Ca m’a rechargé les batteries, franchement !!!

Ni artrouv'

Moukatali