La Rényon ché d'moun !!!

Koman y lé zot tout ' ?

La Rényon. Haaa sa in zoli péi sa. Mé koman dosertin y vwa aèl.

Ousa y lé ? Kisa y vi terla ? Lo pép, lo band zanimo ? Lo klima ?
Bin, misa répond' azot ek sak mwin la antandi terla, an métropol....

Ousa y lé ?
La Rényon lé inn zil (lé déza byin tééé). Bin lé koté Zantyi, ek Gwadloup é Martinik (la lé mol).
Lé osi dan loséan Pasifik (défayans total).
La kapital ??? Mi koné pa... Na inn ???
Laéropor lé an ter bati.
La moné, antouka lé pa léro (kosa alor, kokiyaz ?).

Kisa y vi terla ? Lo pép, lo band' zanimo ?
Byin antandi, tout' domoun lé nwar konm kafé griyé. Na pwin d'blan terla tééééééé (ankor mwin d'zarab, sinwa, malgas...).
Tanzantan domoun y manz inn' blan ki trinn !!! (la vi lé dir pou lo band' blan wiiiii !!!)
Magazin na pwin (té, y fé pitié).
Na d'kaz an pay ek klotir otour (pou protèzé d'lo band zanimo sovaz alonnn !!!).
Tansyon azot. Trap out fizi akoz band' lion, gépar, rinoséros té y gèt azot. Nad' serpan mortel.
Bann' loto na kat rou é lé rapiésé.
Domoun lé soudévlopé.
Band' zorganizasyon té y èd lo péi pou ginll manzé.
Tout' domoun y vi ek zalokasyon, larzan bragèt, (kan zot y ginll ékrir byin sir)...

Lo klima ?
Sa inn péi tropikal. La mouson té y pas', band siklon' osi (presk zist téé).

                     * * * * * * * * * *                                   * * * * * * * * *

La, mi di azot, lé k'inn' ti bout' do sak mwin la antandi.

Alor téééé. Révey azot.

Déza, inn', la Rényon lé in départman fransé, konm la Ot Garon', lo Padkalé, lo Gar, ets, ets,... Son kapital, Pari byin sir.
Answit tizil la lé sitié dan loséan Indyin, koté Madagaskar é Lil Moris. SinNi lo sèflié.

La moné lété lo fran é lé léro (rapèl azot, départman fransé, donk konm an Frans).

Laéropor, parey Sarl do Gol, dann' proporsyon.
Sak té y viv terla lé d'malgas, sinwa, zarab, kaf, zorey, malbar. Kan nou té y di sinwa, lé d'sinwa minm, do Taywan, d'vietnamyin.

Nad' magazin, d'méri, d'zégliz, d'tampl, d'pagod, d'moské (sinon y apèlré pa la Rényon, réflési otééé), d'rout', d'zotorout', d'motar, d'zandarm, d'prizon, d'zopito, d'dantist, d'doktèr, d'ti kaz, d'gran kaz, d'zimèb, d'térin d'fout', d'tenis, d'golf... d'zotèl, d'zit... anfin tout' sak zot y trouv' an métropol.

Lo band zanimo : lo pli féros, sir tèr, lo band koulèv. Na dé lespès, inn k'lé avèg, lot k'nad krosé san vénin. Danzéré wiii, haha.
Parlfèt, lo pli danzéré lé dan lèr. Lé la mèrguèp. Sa lé bèl bèl mi di aou. Plis k'terla an métropol. Din ot koté, band' rényoné té y sas pa zot akoz zot ni té y don' sikilant' larv k'zot té y pé manz kri ou griyé.
Dan lo osi y fo fé tansyon. Out lo band rokin (tig, bouldog, toro, marto, zèb, renar, pwint' blans, pwint' nwar, mako, krokodil, égwiya...) kan ou lé or du lagon, nad' pwason pièr (mortel) ou d'kong. Alor agad' byin ou zot y mèt zot pié.
Lé sir, la Rényon y détyin lo rékor d'érémist é d'gros' fortin' dan lo minm départman. Fo pa kasièt son zié. Na bokou d'moun k'té y viv difisilman, solman, konm mi di, mié vo viv mal a la Rényon k'mal an métropol.

Koté klima, la mouson té y pas' pa. Nad' zalizé, d'syklon'. Volkan té y pèt' souvan, mé lanklo y protèz tout' domoun, sof sak té y viv koté lo Brilé, Sint' Roz. Lo spektak y vo lo kou d'zié, é y atir la foul sak fwa.

Si zot y inm lèv to pu war la natir, la randoné, alé la Rényon (solèy y lèv sizèr é y kous a dizwitèr) 
si zot y inm lo mélanz dé ras, dé kiltir, alé la Rényon,
si zot y inm lo band péizaz spektakilèr,
si zot y inm la kwizin' varyié (nad' kwa fér), alé la Rényon.

Si zot lé rasist, rest' out kaz,
si zot y manz stèk frit', rest out kaz,
é si zot y inm pa fé onz a trèz èr d'vol pou nir terla, rest out kaz osi.

La Rényon, sa in tizil ki mérit' aèl sa.

Comment allez-vous ?

La Réunion. Haaa ça c’est un joli pays ça. Mais comment est-il vu par certaines personnes ?

Où est-elle située ? Qui y vit ? Son peuple et ses animaux ? Son climat ?

Hé bien je vais vous répondre avec ce que j’ai entendu ici, en métropole…

Où est-elle située ?

La Réunion est une île (Ca c’est bien). Mais c’est à côté des Antilles, avec la Guadeloupe et la Martinique (là ça devient nul).

C’est aussi dans l’océan Pacifique (Défaillance totale).

La capitale ??? Je ne sais pas… il y en a une ???

L’aéroport est en terre battue.

La monnaie, en tous cas ce n’est pas l’euro (C’est quoi alors, des coquillages ?).

Qui y vit ? Son peuple et ses animaux ?

Bien entendu, tout le monde est noir comme du café grillé. Il n’y a pas de blanc là-bas, ça va pas non ???? (Encore moins d’arabes, de chinois, de malgaches…).

De temps en temps certaines personnes mangent un blanc qui traîne dans le coin !!! (La vie est dure pour les blancs ouiiiiii !!!).

Il n’y a pas de magasins (ha ben ça fait pitié tient).

Il y a des cases en paille avec des clôtures autour (pour se protéger des animaux sauvages, allooons !!!).

Attention à vous. Prenez votre fusil car les lions, guépards, rhinocéros vous guettent. Il y a des serpents mortels.

Les voitures ont quatre roues et sont rapiécées.

Les gens sont sous-développés.

Les organisations aident la population pour qu’elle puisse manger.

Tous les gens vivent avec les allocations (quand ils savent écrire bien sûr)…

Le climat ?

C’est un pays tropical. La mousson passe et les cyclones aussi. (C’est presque juste).

                **********                           **********

Là je vous dis, ce n’est qu’une bribe de ce que j’ai entendu.

Alors, réveillez-vous !!!!

Déjà, premièrement, la Réunion est un département français, comme la Haute-Garonne, le Pas de Calais, le Gard, etc, etc… Sa capitale, c’est Paris bien sûr.

Ensuite cette île là est située dans l’océan Indien, à côté de Madagascar et de l’île Maurice. Saint-Denis est son chef lieu.

La monnaie était le franc et est l’euro. (Rappelez-vous, département français, donc, comme en France).

L’aéroport, comme Charles de Gaulle, proportionnellement parlant.

Ceux qui vivent là-bas sont les malgaches, les chinois, les arabes, les cafres, les métropolitains, les malabars. Quand on dit chinois, ce sont les chinois bien sûr mais aussi ceux de Taïwan et les vietnamiens.

Il y a des magasins, des mairies, des églises, des temples, des pagodes, des mosquées (sinon ça ne s’appellerait pas la Réunion, réfléchissez voyons),  des routes, des autoroutes, des motards, des gendarmes, des prisons, des hôpitaux, des dentistes, des docteurs, des petites maisons, des grandes maisons, des immeubles, des terrains de football, de tennis, de golf… des hôtels, des gîtes… enfin tout ce que vous pouvez trouver en métropole.

Les animaux : les plus féroces, sur terre, les couleuvres. Il en existe deux espèces : une qui est aveugle, l’autre qui possède des crochets sans venin. C’est dangereux ouiiii, hahaha.

En fait, le plus dangereux est dans l’air. C’est la guêpe. Elle est bien grosse, je vous dis. Plus qu’ici en métropole. D’un autre côté, les réunionnais ne les chasse pas car leur nid donne de succulentes larves que l’on peut manger crues ou grillées.

Dans l’eau aussi il faut faire très attention. Outre les requins (Tigre, bouledogue, taureau, marteau, zèbre, renard, pointe blanche, pointe noire, mako, crocodile, aiguillat…)  quand vous êtes hors du lagon, il y a le poisson pierre (mortel) ou les congres. Alors regardez bien où vous mettez vos pieds.

C’est sûr, la Réunion détient le record d’RMistes et de grosses fortunes dans le même département. Il ne faut pas se le cacher. Il y a beaucoup de gens qui vivent difficilement, seulement, comme je le pense, mieux vaut vivre mal à la Réunion que mal en métropole.

Coté climat, la mousson ne vient pas jusque là. Il y a les alizés, les cyclones.

Le volcan est souvent en éruption, mais l’enclos protège les habitants, sauf ceux qui vivent du côté du Brûlé, de Sainte Rose. Le spectacle vaut vraiment le coup et attire la foule à chaque fois.

Si vous aimez vous lever tôt pour voir la nature, faire de la randonnée, allez à la Réunion (le soleil se lève à six heures et se couche à dix-huit heures),

si vous aimez le mélange des races, des cultures, allez à la Réunion,

si vous aimez les paysages spectaculaires,

si vous aimez la cuisine variée (il y a de quoi faire) allez à la Réunion.

Si vous êtes raciste, restez chez vous,

si vous mangez un steak frites, restez chez vous,

et si vous n’aimez pas faire onze à treize heures de vol pour venir ici, reste chez vous aussi.

La Réunion, c’est une île qui se mérite !!!

Moukatali